2015 jylǵy 25 aqpan ,Astana qalasy
«Azamattyq qorǵaý salasyndaǵy ýákiletti organ jedel rezerviniń materıaldyq qundylyqtarymen operasııa júrgizý, olardyń ornyn aýystyrý, paıdalaný, tolyqtyrý qaǵıdalaryn bekitý týraly» Qazaqstan Respýblıkasy Tótenshe jaǵdaılar mınıstriniń 2014 jylǵy 16 mamyrdaǵy № 225 buıryǵyna ózgerister engizý týraly
«Azamattyq qorǵaý týraly» 2014 jylǵy 11 sáýirdegi Qazaqstan Respýblıkasy Zańynyń 12-baby 1-tarmaǵynyń 4) tarmaqshasyna sáıkes buıyramyn:
1. «Azamattyq qorǵaý salasyndaǵy ýákiletti organ jedel rezerviniń materıaldyq qundylyqtarymen operasııa júrgizý, olardyń ornyn aýystyrý, paıdalaný, tolyqtyrý qaǵıdalaryn bekitý týraly» Qazaqstan Respýblıkasy Tótenshe jaǵdaılar mınıstriniń 2014 jylǵy 16 mamyrdaǵy № 225 buıryǵyna (Normatıvtik quqyqtyq aktiler tiziliminde № 9508 tirkelgen, «Ádilet» aqparattyq-quqyqtyq júıesinde 2014 jylǵy 4 shildede jarııalanǵan) mynadaı ózgerister engizilsin:
buıryqtyń 2-tarmaǵy mynadaı redaksııada jazylsyn:
«2. Qazaqstan Respýblıkasy Ishki ister mınıstrliginiń Tótenshe jaǵdaılar komıteti osy buıryqty Qazaqstan Respýblıkasy Ádilet mınıstrliginde memlekettik tirkeýdi jáne ony merzimdi baspa basylymdarynda jáne «Ádilet» aqparattyq-quqyqtyq júıesinde jarııalaýdy qamtamasyz etsin. »;
buıryqtyń 3-tarmaǵy mynadaı redaksııada jazylsyn:
«3. Osy buıryqtyń oryndalýyn baqylaý Qazaqstan Respýblıkasy Ishki ister mınıstrligi Tótenshe jaǵdaılar komıtetiniń tóraǵasyna (V.V. Petrov) júktelsin. »;
kórsetilgen buıryqpen bekitilgen Azamattyq qorǵaý salasyndaǵy ýákiletti organnyń jedel rezerviniń materıaldyq qundylyqtarymen operasııa júrgizý, olardyń ornyn aýystyrý, paıdalaný, tolyqtyrý qaǵıdalarynda:
1-tarmaqtyń 10) tarmaqshasy mynadaı redaksııada jazylsyn:
«10) jedel rezervti úılestirýshi – jedel rezervtiń materıaldyq qundylyqtarymen operasııanyń júrgizilýin baqylaýdy júzege asyratyn Qazaqstan Respýblıkasy Ulttyq ulanynyń Bas qolbasshylyǵy.»;
3-tarmaq mynadaı redaksııada jazylsyn:
«3. Qazaqstan Respýblıkasy Ishki ister mınıstrliginiń (budan ári – Mınıstrlik) mindeti jedel rezervti qurý jáne qoldaný bolyp tabylady.»;
8-tarmaqtyń 1) jáne 2) tarmaqshalary mynadaı redaksııada jazylsyn:
«1) dárilik zattar men medısınalyq maqsattaǵy buıymdar – Mınıstrliktiń Tótenshe jaǵdaılar komıteti (budan ári – Komıtet) «Apattar medısınasy ortalyǵy» memlekettik mekemesiniń (budan ári – «Apattar medısınasy ortalyǵy» MM) vedomstvolyq baǵynysty uıymdarynda;
2) tehnıka, shatyrlar, sharýashylyq múlki, tamaq ónimderi, janar-jaǵar maı materıaldary, zattaı múlik, gıgıenalyq quraldar, keńse taýarlary, baılanys quraldary – Qazaqstan Respýblıkasy Ulttyq ulanynyń azamattyq qorǵanys áskerı bólimderinde (budan ári – azamattyq qorǵanys áskerı bólimderi) saqtalady.»
10 jáne 11-tarmaqtar mynadaı redaksııada jazylsyn:
«10. «Apattar medısınasy ortalyǵy» MM vedomstvolyq baǵynysty uıymdary, azamattyq qorǵanys áskerı bólimderi saqtaýǵa berilgen jedel rezervtiń materıaldyq qundylyqtarynyń sapalyq jáne sandyq saqtalýyna jaýapkershilikte bolady.
11. Jedel rezervti shyǵarý (paıdalaný) Komıtettiń usynysymen jáne odan ári Ishki ister mınıstriniń nemese onyń mindetterin atqaratyn mınıstr orynbasarynyń sheshimimen júzege asyrylady.»;
15 jáne 16-tarmaqtar mynadaı redaksııada jazylsyn:
«15. Maqsaty boıynsha paıdalanǵannan keıin tehnıka, shatyrlar, sharýashylyq múlki, baılanys quraldary tıisti tehnıkalyq qyzmet kórsetýge (jóndeýge) jáne odan ári jedel rezervke salýǵa jatady.
16. Jedel rezervtiń materıaldyq qundylyqtaryn saqtaý oryndarynan maqsaty boıynsha paıdalaný oryndaryna deıin jáne keri ornyn aýystyrý Ishki ister mınıstriniń sheshimi boıynsha kólik quraldarymen júzege asyrylady.»;
19-tarmaqtyń birinshi bóligi mynadaı redaksııada jazylsyn:
«Jedel rezervtiń materıaldyq qundylyqtarynyń jaramdylyq (saqtaý) merzimderi aıaqtalý kezeńinde nemese maqsatqa saı paıdalanǵannan keıin «Apattar medısınasy ortalyǵy» MM basshylary jáne azamattyq qorǵanys áskerı bólimderiniń komandırleri jedel rezervti úılestirýshiniń atyna olardy jańartýǵa ótinim beredi, onda jańartýǵa jatatyn materıaldyq qundylyqtardy jańartý sebebi, olardyń tizbesi, kólemi (sany) jáne quny kórsetiledi.»;
20-tarmaq mynadaı redaksııada jazylsyn:
«20. Berilgen ótinimder negizinde jedel rezervti úılestirýshi Qazaqstan Respýblıkasy Ishki ister mınıstriniń tıisti buıryǵyn ázirleıdi, onda jedel rezervtiń jańartylatyn materıaldyq qundylyqtaryn odan ári paıdalaný jáne toltyrý tártibi kórsetiledi.»;
21-tarmaqtyń birinshi bóligi mynadaı redaksııada jazylsyn:
«21. Jedel rezervtiń tamaq ónimderin azamattyq qorǵanys áskerı bólimderiniń aǵymdaǵy úlesiniń tamaq ónimderi esebinen teń mólsherde jańartýǵa ruqsat beriledi. Bul rette ónimderdiń sol nemese ózge ataýlarynyń jaramdylyq merzimderine sáıkes jańartý josparlylyǵy eskeriledi.»;
22-tarmaq mynadaı redaksııada jazylsyn:
«22. Dárilik zattardy jáne medısınalyq maqsattaǵy buıymdardy jańartý «Memlekettik mekemelerde býhgalterlik esep júrgizý erejesin bekitý týraly» Qazaqstan Respýblıkasy Qarjy mınıstriniń 2010 jylǵy 3 tamyzdaǵy № 393 buıryǵynyń «Zapastardy esepke alý tártibi» 8-taraýyna jáne «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 79-babyna sáıkes júzege asyrylady.».
2. Qazaqstan Respýblıkasy Ishki ister mınıstrliginiń Tótenshe jaǵdaılar komıteti (V.V. Petrov) zańnamamen belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ishki ister mınıstrliginiń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary V.K. Bojkoǵa júktelsin.
4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Mınıstr polısııa general-leıtenanty Q.QASYMOV
Buıryq Qazaqstan Respýblıkasynyń Ádilet mınıstrliginde 2015 jylǵy 5 mamyrdaǵy Normatıvtik quqyqtyq kesimderdi memlekettik tirkeýdiń tizilimine № 10934 bolyp engizildi.